Бірінші сабақ
Қазақстан Республикасының Жер кодексінің 43-бабы, 48-бабы және 50-бабына сәйкес, әрбір Қазақстан Республикасының азаматы белгілі бір жағдайларда мемлекеттік жер қорынан тегін жер учаскесін алуға құқылы. ✅ 43-бап - Жер учаскесін беру тәртібін реттейді. Онда жер жеке меншікке немесе жер пайдалану құқығымен тек уәкілетті мемлекеттік органның шешімімен берілетіні және бұл рәсім өтініш (заявка) арқылы жүзеге асырылатыны көрсетілген. ✅ 48-бап - Азаматтарға жеке меншікке жер учаскелерін беру негіздерін белгілейді. Осы баптың талаптарына сәйкес, қазақстандық азаматтарға тұрғын үй салу, бағбандық (садоводство), жеке қосалқы шаруашылық (ЛПХ) жүргізу мақсатында мемлекеттік жер қорынан тегін жер учаскесі берілуі мүмкін. ✅ 50-бап - Жеке меншікке тегін берілетін жер учаскелерінің нормаларын белгілейді. Бұл бапта әр өңір бойынша жер учаскесінің ең көп мөлшері (нормасы) көрсетілген және жердің нысаналы мақсатына қарай (үй салу, ЛПХ, бағбандық және т.б.) бөлінеді.
